Саҳифа юкланмоқда
Илтимос, бироз кутинг.
Илтимос, бироз кутинг.
Ташрифни режалаштириш учун барча маълумотлар: иш вақти ва чипта нархлари, ташриф қоидалари, залларда нималар борлиги ҳамда имконияти чекланган меҳмонлар учун қулайликлар.
Жаҳон даражасидаги таассурот учун 15 доллардан кам маблағ — айнан шу нарх икки нафар катта ва икки нафар боладан иборат оила учун Ислом цивилизацияси марказига экскурсияга кириш учун етарли бўлади.
Тошкентдаги ушбу янги, йирик маданий лойиҳага ташриф нархлари матбуот анжуманида эълон қилинди. Унда Илмий кенгаш аъзолари, ҳамкор ташкилотлар вакиллари ҳамда фан, маданият ва таълим соҳаси экспертлари иштирок этди.
Марказ кенг жамоатчилик учун очилди ва доимий равишда ташриф буюриш мумкин. Иш вақти ташриф буюрувчиларга қулай қилиб белгиланган. Ҳар куни соат 09:00 дан 22:00 гача, дам олиш кунларисиз. Бу эса, айниқса, ишдан кейин оила билан кечқурун ташриф буюриш имконини беради. Бундай амалиёт Ўзбекистон музейлари учун илк бор жорий этилмоқда.
Ташкилотчилар ташриф тизими халқаро музей стандартлари асосида ишлаб чиқилган, у маҳаллий аҳоли ҳамда хорижий сайёҳлар учун мўлжалланган. Билетлар турли тоифаларга ажратилган: Ўзбекистон фуқаролари, хорижий меҳмонлар ва болалар учун алоҳида нархлар белгиланган.
Чипта нархига қуйидагилар киради:
— кўп тилли профессионал гидлар ҳамроҳлиги
— ноёб экспонатлар ва тарихий артефактлар билан танишиш
— Марказий Осиёнинг жаҳон илми ва ислом цивилизациясига қўшган ҳиссасини акс эттирувчи намойишлар
Шунингдек, ташрифчилар Қуръон залига кириш имконига эга бўладилар. У ерда бир миллиондан ортиқ Swarovski кристаллари ёрдамида яратилган архитектуравий-бадиий мэппинг орқали нурли динамик муҳит ҳосил қилинган. Дастурга тўртта “вақт капсуласи” ҳам киритилган бўлиб, улар турли тарихий даврларга шўнғиш имконини беради. Интерактив ва рақамли инсталляциялар орқали минтақанинг илмий ва маданий мероси намоён этилади.
Билетлар онлайн (iTicket.uz орқали) ва марказ кассаларида сотилади. Электрон билетлар QR-код билан таъминланган бўлиб, кириш жараёнини тез ва қулай қилади.
Ташриф формати ҳам турлича:
— 30 нафаргача гуруҳли экскурсиялар
— индивидуал ташрифлар
Экскурсиялар ўзбек, рус ва инглиз тилларида ўтказилади.
Билетлар белгиланган вақт оралиқлари бўйича сотилади, бу эса навбатларни олдини олиш ва ташрифчилар оқимини тартибга солишга хизмат қилади.
Марказда қўшимча хизматлар ҳам жорий этилмоқда:
— робот-гидлар
— кўп тилли аудиогидлар
— виртуал саёҳат форматлари
Ташрифчилар:
— жамоат тартибига риоя қилиши
— экспонатларга эҳтиёткорлик билан муносабатда бўлиши
— диний ҳудудларда кийиниш қоидаларига амал қилиши шарт
Тақиқланади:
— экспонатларга рухсатсиз тегиш
— флеш билан суратга олиш
— рухсатсиз экскурсия ўтказиш
— рухсатсиз тижорат фаолияти
Чипта нархлари билан қаерда танишиш мумкин?
— Марказнинг расмий сайтида iccu.uz
— онлайн платформаларда – iTicket.uz орқали
— Марказ кассаларида
Ислом цивилизацияси марказида ташриф буюрувчилар учун музей экспозициялари билан танишишнинг турли форматлари ва қўшимча хизматлар жорий этилган.
| Хизмат тури | Шартлар | Нархи |
|---|---|---|
| Маҳаллий ташриф буюрувчилар учун | ||
| 18 ёш ва ундан катта фуқаролар учун Марказга кириш чиптаси | 2 соат давомида. Аудиогид хизмати билан биргаликда | 90 000 сўм |
| 12–17 ёшли ташриф буюрувчилар учун Марказга кириш чиптаси | 2 соат давомида. Аудиогид хизмати билан биргаликда | 35 000 сўм |
| 10 нафаргача бўлган гуруҳ учун гид хизмати | 10 нафаргача бўлган гуруҳга 1 нафар гид хизмат кўрсатади | 300 000 сўм |
| Гид ҳамроҳлигида VIP ташриф | Ҳеч қандай навбатларсиз асосий дарвозадан кирилади. Ташриф соати чекланмаган, кун давомида | 350 000 сўм |
| Хорижий ташриф буюрувчилар учун | ||
| 18 ёш ва ундан катта хорижий фуқаролар учун Марказга кириш чиптаси | Аудиогид хизмати билан биргаликда | 425 000 сўм |
| Индивидуал ташриф | Кун давомида. Аудиогид хизмати билан биргаликда | 660 000 сўм |
| Гид ҳамроҳлигида VIP ташриф | Ҳеч қандай навбатларсиз асосий дарвозадан кирилади. Ташриф соати чекланмаган, кун давомида | 850 000 сўм |
| Хизмат тури | Шартлар | Нархи |
|---|---|---|
| Болалар учун ташриф | ||
| 5–11 ёшли болалар учун ташриф | 1 соатлик ташриф ва болалар майдончасидан фойдаланиш билан биргаликда | 30 000 сўм |
| Мэппинг-шоу | ||
| Маҳаллий катта ёшли ташриф буюрувчилар учун мэппинг-шоуга кириш | — | 50 000 сўм |
| 7–18 ёшли маҳаллий болалар учун мэппинг-шоуга кириш | — | 15 000 сўм |
| Хорижий фуқаролар учун мэппинг-шоуга кириш | — | 175 000 сўм |
| 7–18 ёшли хорижлик болалар учун мэппинг-шоуга кириш | — | 60 000 сўм |
| Гольф-кар хизмати | ||
| 1 киши учун 30 дақиқалик гольф-кар хизмати | — | 35 000 сўм |
Ташриф формати ва қўшимча хизматларни ўз эҳтиёжингизга мос равишда танланг.
Ислом цивилизацияси маркази — тарихни замонавий нигоҳ билан кашф этинг.
Чипта сотиб олиш
