Olaylar.az: "Тошкентда Амир Темур таваллудининг 690 йиллигига бағишланган халқаро конференция бошланди"
Озарбайжоннинг Olaylar.az нашрида Амир Темур таваллудининг 690 йиллигига бағишланган халқаро илмий конференцияга оид таҳлилий материал эълон қилинди. Қайд этилишича, Ўзбекистон Республикаси Президенти ташаббуси билан ташкил этилган мазкур форум 20 дан ортиқ мамлакатдан 300 дан зиёд олимлар, экспертлар ва дипломатларни бирлаштирган ҳолда, темурийлар меросини комплекс илмий ёндашув асосида ўрганиш ҳамда уни жаҳон миқёсида тарғиб этишга хизмат қилаётган нуфузли халқаро мулоқот платформаси сифатида намоён бўлмоқда.
Тошкентда Амир Темур таваллудининг 690 йиллигига бағишланган халқаро конференция бошланди.
Ўзбекистонда Амир Темур таваллудининг 690 йиллиги муносабати билан халқаро илмий конференция очилди.
Olaylar хабар беришича, форум Ўзбекистон Президенти Шавкат Мирзиёев ташаббуси билан ташкил этилган.
Форум 20 дан ортиқ мамлакатдан 300 дан зиёд олимлар, экспертлар, дипломатлар ва жамоатчилик вакилларини бирлаштирди.
Иштирокчилар қаторида етакчи халқаро ташкилотлар, илмий марказлар, университетлар, шунингдек музей ва кутубхоналар вакиллари ҳам бор бўлиб, бу минтақанинг тарихий-маданий меросига бўлган глобал қизиқиш ортиб бораётганини кўрсатади.
Ўзбекистон Президенти Шавкат Мирзиёев конференция иштирокчиларига табрик йўллаб, уни Президентнинг давлат маслаҳатчиси — халқ ёзувчиси Хайриддин Султoнов ўқиб эшиттирди. Мурожаатда давлат раҳбари иштирокчиларни форум очилиши билан табриклаб, Амир Темур меросини ўрганиш ва оммалаштириш бўйича амалга оширилаётган ишлар аҳамиятини таъкидлади ҳамда уни буюк давлат арбоби, йирик саркарда ва илм-фан, маданият ҳамда санъат ҳомийси сифатида таърифлади.
“Конференциянинг Ислом цивилизацияси маркази да ўтказилиши, бу ерда Ўзбекистоннинг кўп минг йиллик илмий ва маданий меросига оид ноёб намуналар жамлангани сабабли, Темурийлар даврини минтақанинг энг ёрқин тарихий босқичларидан бири сифатида чуқур таҳлил қилиш учун алоҳида аҳамиятга эга”, — дейилади Президент мурожаатида.
Унда қайд этилишича, Янги Ўзбекистонда миллий тарих ва маданий меросни ўрганиш ва тарғиб этиш, шунингдек ёшларни умуминсоний қадриятлар руҳида тарбиялаш бўйича кенг кўламли ишлар амалга оширилмоқда. Шу муносабат билан ҳар йили апрель ойида Амир Темурга бағишланган мавзули тадбирларни ўтказиш тўғрисида қарор қабул қилинган.
