42 минг квадрат метр майдондаги тарих ва ташаббуснинг аҳамияти
Қирғизистон Касаба уюшмалари федерацияси раиси Мурадил Жумадилде ўғли Ўзбекистондаги Ислом цивилизацияси марказига ташриф буюриб, 42 минг квадрат метр майдонни бир марта айланиб чиқишнинг ўзи ҳам осон эмаслигини таъкидлади.
Бу марказнинг масштаби ҳақиқатан ҳам катта таассурот қолдиради. 42 минг квадрат метр майдонни бир марта айланиб чиқишнинг ўзи ҳам осон эмас, ҳар бир зални алоҳида ўрганиш керак экан. Энг муҳими, бу ерда бутун тарих, цивилизация ва маънавий мерос бир жойда жамланган ҳолда тақдим этилган. Бу оддий музей эмас, балки жуда катта илмий-маърифий марказ. Айниқса, замонавий технологиялар орқали, жумладан сунъий интеллект ёрдамида ўз она тилимизда маълумот олиш имконияти мен учун катта янгилик бўлди. Бу каби ташаббуслар минтақадаги давлатлар ўртасида ўзаро англашув, ҳамкорлик ва тинчликни мустаҳкамлашга хизмат қилади.
