The Independent бош муҳаррири: “Ғарб вакиллари учун мутлақо янги тажриба”
Буюк Британиянинг The Independent нашри бош муҳаррири Жорди Грейг Ўзбекистондаги Ислом цивилизацияси марказига ташриф буюриб, бу ерда 3 минг йиллик тарихнинг замонавий ва жонли тарзда тақдим этилиши ҳамда музейнинг улкан кўлами Ғарб вакиллари учун мутлақо янги тажриба эканини таъкидлади.
Ташриф давомида The Independent нашри бош муҳаррири Жорди Грейг музейнинг улкан кўлами ва унда 3 минг йиллик тарихнинг замонавий ҳамда жонли тарзда тақдим этилиши Ғарб вакиллари учун мутлақо янги тажриба эканини таъкидлади.
Ростини айтсам, бу ердаги экспозициялар жуда жонли ва қизиқарли. Олимлар, санъаткорлар, файласуфлар ва дин тарихи бир-бири билан узвий боғлиқ ҳолда намойиш этилгани бу масканни ҳақиқатан ҳам ўзига хос қилади. Айниқса, интерактив технологиялар, экранлар ва ҳаракатланувчи экспонатлар орқали тарихни нафақат кўриш, балки уни ҳис қилиш имконияти жуда қизиқ бўлди. Бу эса музейни янада тушунарли ва таъсирчан қилади. Шунингдек, Лондонда сақланган ва аслида шу ерда яратилган ноёб ашё ва матоларнинг ўз ватанига қайтарилганини кўриш жуда қувонарли ҳолат. Бу каби ёндашув маданий меросга бўлган эътиборни янада кучайтиришга хизмат қилади, — деди Жорди Грейг.
Меҳмон Марказни халқаро миқёсда катта муваффақият қозонадиган, жаҳон жамоатчилигини ўзига жалб этадиган йирик маданий ва илмий лойиҳа сифатида баҳолаб, уни мамлакатнинг ўтмиши, бугуни ва келажагини бир бутун тизимда намоён этадиган ноёб маскан сифатида эътироф этди ҳамда барчани уни шахсан кўриб, ушбу тажрибани ҳис қилишга чорлади.
