Янгиликлар

Малайзия Парламенти аъзоси, Букит Гантанг округи вакили Дато Саййид Абу Ҳуссин бин Ҳофиз Саййид Абдул Фасал турли давлатлар илм аҳлининг бир майдонда фикр алмашиши келажакда янги ташаббус ва қўшма лойиҳалар учун яхши асос яратади.

Ўзбекистондаги Ислом цивилизацияси марказида “Ислом цивилизациясида илмий анъана: манбалар, имкониятлар ва долзарб масалалар” мавзусида ўтказилган халқаро илмий-амалий конференцияда Малайзия Парламенти аъзоси, Букит Гантанг округи вакили Дато Саййид Абу Ҳуссин бин Ҳофиз Саййид Абдул Фасал ҳам иштирок этди.

Тадбир давомида меҳмон конференциянинг халқаро мулоқот ва ҳамкорликни ривожлантиришдаги аҳамиятини юқори баҳолади. Унинг таъкидлашича, бундай учрашувлар давлатлар ўртасида янги ташаббуслар ва қўшма лойиҳалар учун муҳим асос яратади.

–  Бу жуда муҳим ва аҳамиятли конференция. Менимча, бундай тадбирлар нафақат илмий ва маданий алоқаларни мустаҳкамлайди, балки давлатлар ўртасида янги имкониятлар ва ҳамкорликлар учун ҳам муҳим қадам ҳисобланади.

Ўзбекистон бой тарих ва ислом цивилизациясига оид катта меросга эга мамлакат. Бу каби халқаро анжуманлар эса ушбу меросни дунёга кенгроқ танитишга хизмат қилади. Айниқса, турли давлатлардан келган иштирокчиларнинг бир майдонда фикр алмашиши келажакда янги ташаббус ва қўшма лойиҳалар учун яхши асос яратади.

Бу ердаги муҳит, конференция формати ва меҳмондўстлик менда жуда яхши таассурот қолдирди. Менимча, бундай учрашувлар келгусида ҳам изчил давом этиши керак”, — деди Дато Саййид Абу Ҳуссин бин Ҳофиз Саййид Абдул Фасал.