Янгиликлар

Халқаро стол тенниси федерацияси президенти Петра Сёрлинг Ўзбекистондаги Ислом цивилизацияси марказига ташриф буюриб, Марказда тарих ва анъаналар нафақат сақлаб қолинган, балки замонавий технологиялар орқали янги авлодга таъсирли ва қизиқарли тарзда етказилаётганини эътироф этди. Шунингдек, у Ўзбекистон Президенти Шавкат Мирзиёев ташаббуси билан барпо этилган ушбу Марказ мамлакат тарихи ва миллий ғурурни намоён этувчи муҳим маънавий маскан эканини қайд этди.

Халқаро стол тенниси федерацияси президенти Петра Сёрлинг Ўзбекистондаги Ислом цивилизацияси марказига ташриф буюриб, Марказда яратилган замонавий ва интерактив муҳит унда катта таассурот қолдирганини таъкидлади. Шунингдек, Ўзбекистонда спорт соҳасига қаратилаётган эътибор ва ёш спортчилар учун яратилаётган имкониятларга ҳам алоҳида тўхталди.

Петра Сёрлинг, Халқаро стол тенниси федерацияси президенти:

Бу ерда тарих улуғланаётгани ва айни пайтда ёш авлод учун интерактив имкониятлар яратилганини кўриб жуда таъсирландим. Марказ инсонни нафақат тарих билан таништиради, балки уни ҳис қилиш имконини ҳам беради. Бу ердаги интерактив экспозициялар келажак авлод учун катта илҳом манбаи бўлади. Бир давлат раҳбарининг ўз халқи тарихини шундай улкан ва таъсирли шаклда намоён қилиши ҳақиқатан ҳам илҳомлантиради. Бу инсонларда ўз тарихи ва маданияти билан фахрланиш туйғусини уйғотади. Мени энг кўп қизиқтирган жиҳатлардан бири эса тарихий шаҳарлар ва жамиятларнинг шаклланиш жараёни, шунингдек, бугунги Янги Ўзбекистоннинг бунёдкорлик жараёнлари бўлди. Бу ерда кўрганларим ҳақиқатан ҳам жуда илҳомлантирувчи таассурот қолдирди.

Мен Ўзбекистонда стол теннисининг ривожланишига катта қизиқиш билан қараяпман. Сўнгги йилларда халқаро мусобақаларда яхши натижалар кузатилмоқда. Мамлакатда спортга бўлган эътибор ва инвестициялар келажакда янада катта ютуқларга олиб келишига ишонаман. Мен Ўзбекистонда стол теннисининг янада ривожланишини кўришни истайман ва бу йўлда қўллаб-қувватлашга тайёрман.