Аждодлар мероси ва маърифат ғоялари жамланган маскан
Президент Шавкат Мирзиёев ташаббуси билан бунёд этилган ушбу илмий маърифий масканда ташриф буюрувчилар буюк мутафаккирларимиз қолдирган илмий мерос билан танишар экан, илм-маърифат инсонни юксалтириши, жаҳолат эса тараққиётга тўсиқ бўлишини яна бир бор англайдилар.
Марказ экспозициялари орқали аждодларимиз илгари сурган тинчлик, бағрикенглик, ўзаро ҳурмат ва маърифат ғоялари бугунги кунда ҳам ўз аҳамиятини йўқотмагани яққол намоён бўлади.
Бир сўз билан айтганда, Ўзбекистондаги Ислом цивилизацияси маркази нафақат тарих ва мерос маскани, балки жаҳолатга қарши маърифат ғоясининг ҳаётдаги амалий ифодаси, ёш авлодни илм-фанга, миллий қадриятларга ва умуминсоний эзгуликларга чорловчи йирик маърифий майдон сифатида намоён бўлмоқда.
Бу маскан ҳар бир инсонни ўтмиш сабоқларидан куч олиб, келажакни билим, тафаккур ва маърифат асосида барпо этишга даъват этади.