Янгиликлар

Имрон Аҳмад, CNNнинг Марказий Осиё ва Африка бўйича минтақавий вакили:

Ушбу Медиафорум Ўзбекистонда, хусусан, Ўзбекистондаги Ислом цивилизацияси марказида ўтказилаётгани амалга оширилаётган ишлар ҳақида дунё жамоатчилигига маълумот етказиш учун жуда муҳим платформага айланди. 

У Ўзбекистоннинг бой мероси, тарихи ва буюк алломалари, шунингдек, мамлакатнинг замонавий дунё тараққиётига қўшган ҳиссаси ҳақида кенгроқ маълумот олиш учун катта имконият яратмоқда.

Ўзбекистон заминида яратилган, аммо дунё аҳли ҳали тўлиқ хабар топмаган кўплаб буюк кашфиёт ва ғоялар мавжуд. Масалан, Хоразмийнинг илм-фанга қўшган улкан ҳиссасини олсак, агар у бўлмаганида, алгоритмлар ҳам бўлмас эди. Бугун биз мобиль телефонлар ва компьютерлардан фойдаланар эканмиз, уларнинг асосидаги кўплаб ғоя ва тушунчалар Ўзбекистон заминида шаклланганини ҳар доим ҳам англайвермаймиз. Шунинг учун бундай форумлар ана шундай маълумотларни халқаро миқёсда кенг аудиторияга етказиш учун жуда муҳим. Ўзбекистонга бундай тадбирни ташкил этгани учун миннатдорлик билдираман. Форумда қатнашаётганимдан мамнунман.

Ўзбекистондаги Ислом цивилизацияси марказини Президент Шавкат Мирзиёевнинг ғоялари ва узоқни кўра билиш қобилиятисиз тасаввур қилиш қийин. Бу ташаббусни жаноб Президент 2017 йилдаёқилгари сурган ва уни барпо этиш учун қарийб тўққиз йил вақт кетди.

Бугунги кунда ушбу Марказ Ўзбекистоннинг тарихи, мероси ва жаҳон цивилизациясига қўшган ҳиссасини бутун дунёга етказадиган муҳим масканга айланмоқда. 

Менимча, бўлиниб, қутблашиб бораётган бугунги дунёга бундай ташаббуслар ниҳоятда зарур. Чунки улар турли дин ва цивилизация вакилларининг бир-бирини яхшироқ тушунишига, ўзаро англашувга эришишига ва тинчликни қарор топтиришга хизмат қилади.

Шу сабабли, мен бу марказнинг фаолияти ва унинг доирасида ўтказилаётган бундай форумларни жуда муҳим, деб ҳисоблайман. Улар дунёга турли цивилизацияларни, айниқса, Ўзбекистоннинг бой тарихий ва маданий меросини янада яхшироқ англаш имконини беради.