Янгиликлар

Ҳужжатлар қабули Олий таълимдан кейинги таълимни мувофиқлаштиришнинг ягона электрон тизими (daraja.ilmiy.uz) ёки ягона интерактив давлат хизматлар портали орқали 2026 йил 15 сентябрдан 15 октябрь кунига қадар давом этади.

Мустақил изланувчилик қуйидаги ихтисослик бўйича амалга оширилади:

24.00.01 – Ислом тарихи ва манбашунослиги.

Мустақил изланувчиликка талабгорлар (PhD) қуйидаги ҳужжатларни тақдим этадилар:

1. Қисқача биографик маълумотнома.
2. Электрон тизим орқали интеграция қилинмаган тақдирда — олий таълим муассасаси магистратураси дипломи ёки клиник ординатурани тугатганлиги (тиббиёт фанлари учун), олий маълумот (мутахасислик дастурлари бўйича) тўғрисида диплом нусхаси*.
3. Нашр этилган илмий ишлар нусхалари (камида 1 та мақола ва 2 та тезис).

Мустақил изланувчилик (DSc)га ўқишга талабгорлар қуйидаги ҳужжатларни тақдим этадилар:

1. Қисқача биографик маълумотнома.
2. Олий маълумот, фан номзоди ёхуд фалсафа доктори (PhD) ёки хорижий давлатларда унга тенглаштирилган илмий даражага эга бўлганлиги тўғрисидаги диплом нусхаси*.
3. Нашр этилган илмий ишлар нусхалари (камида 3 та мақола ва 2 та тезис).

Барча хужжатлар PDF шаклида тайёрланиб Олий таълимдан кейинги таълимни мувофиқлаштирувчи Ягона электрон тизими (http://daraja.ilmiy.uz) ёки ягона интерактив давлат хизматлар портали орқали рўйхатдан ўтган ҳолда юборилади.

* хорижий давлатларда таълим олганлик тўғрисидаги ҳужжатларни расмий тан олинганлик гувоҳномаси билан бирга юкланади.