Янгиликлар

Ўзбек хонликлари даврида санъат, адабиёт ва тиббиёт маромида ривожланган. Шу қаторда хаттотлик ҳам. Чунки китобларга эҳтиёж катта бўлган. Шу сабабли бунда  хаттотларга китоб кўчириш ва уларни кенгроқ жамоатчиликка етказишда ўрни беқиёс бўлган. Чунки у вақтда замонавий китоб чоп этиш ускуналари бўлмаган.  Хаттотларга талаб юқори бўлган. Шунинг учун ҳам улар ўз устида тинимсиз ишлаб келган.

Мутахассислар айнан XVI-XVII асрларни хаттотлик санъати  чўққисига чиқиб, тараққий этган давр дея таърифлайди.

Ўзбекистондаги Ислом цивилизацияси маркази илмий гуруҳи аъзолари томонидан айнан ана шу давр хаттотлик санъати услуби, ривожланиш тарихи тадқиқ  этилмоқда. Бухоро, Хоразм, Қўқон китобат санъатига оид факсимилелар яратиш бўйича иш олиб борилмоқда.

Ўзбек хонликлари давридаги хаттотлик санъати ҳақида ҳужжатли фильм суратга олиниши кўзда тутилган. Бунда илмий инновацион медиалойиҳа муаллифи Бухоро давлат университети доценти Ҳусен Жўраев хаттотлар ҳақида қатор илмий изланишлар қилиш билан бир қаторда ҳужжатли фильм учун сценарий ёзмоқда.

Маълумот учун, марказда  хаттотлик  ва китобат санъати мактабини ташкил этиш режалаштирилган.  Унда ёш хаттотларга хаттотлик санъатидан сабоқлар берилади.

Мактабнинг умумий дарсхоналари сони 20 та тани ташкил этади. Таҳсил оладиган  ўқувчиларнинг ёши эса 12 ёшдан 70 ёшгача бўлиши, аудиторияда жами 8 нафаргача  тингловчи иштирок этиши режалаштирилган.