Янгиликлар

Ўзбекистондаги Ислом цивилизацияси маркази экспозицияси учун Сомонийлар даврида яшаган, форс тилида шеър ёзган илк аёл — Робия Қаздорий ҳақида контент тайёрланмоқда. У Х асрдаги машҳур форс ва араб тилида шеър ёзган адибалардан бири бўлиб, форс тилида шеър ёзган биринчи аёл шоир сифатида танилган. Унинг ҳаёти ва ижоди ҳақидаги маълумотлар асосан адабий манбалар ва тасаввуфий адабиётлар орқали етиб келган.

“Акбар мураққаъси”дан саҳифада акс этган Ҳамида Бонунинг тасвири — нафақат бир зодагон аёлнинг портрети, балки тарихнинг элита хотин-қизлари ўрнини, уларнинг сиёсий жараёнларга таъсирини намоён қилувчи бадиий ва маданий ҳужжат ҳисобланади. Ҳозирда Лондондаги Британия музейида сақланаётган бу миниатюра (инвентар рақами: 1948.1009.0.53) тахминан 1560 йилда Агра шаҳрида яратилган.