Янгиликлар

Жорий йилнинг 29 апрель куни Буюк Британиянинг Лондон шаҳрида жойлашган Сотбис (Sotheby’s) аукцион уйида Филипп Мисcилье коллекциясига тегишли кўплаб нодир қилич ва ханжарлар савдога чиқарилди. Улар орасида Бобурийлар хонадони вакили Шоҳ Олам I нинг вазирларидан бири, Авадҳа вилояти наввоби Осафуд-давла томонидан инглиз армияси генерали Клод Мартинга ҳадя қилинган қилич ҳам бор эди.

Қуръони Карим — Аллоҳнинг каломи сифатида инсониятга нозил қилинган Муқаддас китоб. У араб тилида туширилгани боис, бу тилни билмаган халқлар уни ўқиб англашда қийинчиликка дуч келган. Шу сабабли, исломни қабул қилган турк ва форс халқлари Қуръон маъноларини ўз она тилларида ўқишга эҳтиёж сезишган.