Янгиликлар

Ислом цивилизациясининг кўп асрлик тарихи, буюк алломалар мероси ва “Янги Ўзбекистон – Янги Ренессанс” ғояси ягона маконда намоён этилган Ўзбекистондаги Ислом цивилизацияси маркази халқаро меҳмонларда кучли таассурот қолдирди. БАА ва Кувайт каратэ федерациялари раҳбарлари Марказни маънавият, таълим ва замонавий тафаккур уйғунлашган ноёб майдон сифатида баҳолади.

XVII–XVIII асрларда яратилган Европа хариталари Марказий Осиёни ноаниқ ҳудуд эмас, балки Бухоро, Самарқанд ва Хива каби аниқ илмий ва савдо марказлари жойлашган макон сифатида тасвирлай бошлаган. Бу хариталар орқали Европа илм-фани Ўзбекистонни қандай англаганини бугун Ислом цивилизацияси маркази экспозициясида кўриш мумкин.

Ўзбекистондаги Ислом цивилизацияси маркази экспозициясида илк бор Шарқ адабиётининг тўрт нодир асарининг асл нусхалари бир маконда жамланди.

Нодир тафаккур маҳсули — Амир Темур даврига оид шахмат тахтаси ва доналари муляжи Ўзбекистондаги Ислом цивилизацияси маркази музейида намойиш этилмоқда. Ушбу экспонат муаллифларидан бири Сардор Маҳмудовнинг қайд этишича, ушбу шахмат орқали Амир Темур давлат ва жамиятни доналар эмас, балки улар ўртасидаги муносабатлар белгилашини рамзий тарзда ифодалаган.