Янгиликлар

Марказий Осиёнинг умумий маънавий мероси ва келажакдаги ҳамкорлик йўналишларини муҳокама қилган халқаро конгресс иштирокчилари Ўзбекистондаги юқори савиядаги ташкилотчилик, санъат кўргазмалари ва минтақанинг цивилизацион салоҳиятидан катта таассурот олди. Тожикистон вакили мазкур анжуманни “Марказий Осиёни бирлаштирувчи муҳим платформа” деб атади.

Қозоғистон Миллий Аёллар педагогика университети Сейфулла Калеев номидаги илмий кутубхонаси директор ўринбосари Лапо Пётр Тошкентда ўтказилган илмий-маданий анжуман инсоният цивилизацияси учун ҳам катта аҳамиятга эга эканини таъкидлади.