Янгиликлар

Тошкент шаҳрида барпо этилган Ислом цивилизацияси маркази бугунги кунда мамлакатимизда амалга оширилаётган янги маънавий юксалиш, тарихий хотирани тиклаш ва ёшлар онгида миллий ифтихорни мустаҳкамлаш сиёсатида муҳим ўрин эгалламоқда. Президент Шавкат Мирзиёев таъкидлаганидек, “Инсон қадри — олий қадрият”, ва бу қадриятни асраш, унинг ҳуқуқий муҳофазасини таъминлаш йўли аввало ёш авлод тафаккурида адолат ва қонун устуворлигини мустаҳкамлашдан бошланади.

Ҳозирги кунда Ўзбекистондаги Ислом цивилизацияси маркази нафақат маърифат манбаи, балки Ўзбекистоннинг замонавий интеллектуал қиёфасини дунёга намоён этаётган йирик илмий-маърифий майдонга айланмоқди. Марказга дунёнинг турли минтақаларидан, АҚШдан, Франциядан, Полшадан, Нигериядан, Хитойдан, Туркиядан ва бошқа давлатлардан делегациялар ташриф буюриб, бу масканнинг аҳамиятини эътироф этишмоқда.