Sahifa yuklanmoqdaIltimos, biroz kuting.
Islom sivilizatsiyasi markazi bilan umumiy tanishuv: u qachon va kimning tashabbusi bilan tashkil etilgan, bir tom ostida nimalarni birlashtiradi va o‘z oldiga qanday vazifalar qo‘yadi. Uchta bo‘lim — qisqacha ma’lumot, missiyalar va maqsadlar.
O‘zbekiston Respublikasi Prezidenti Shavkat Mirziyoyev tashabbusi va g‘oyasi asosida 2017-yilda tashkil etilgan Islom sivilizatsiyasi markazi — bu oddiy muzey emas, balki fan, madaniyat va ta’lim masalalariga ixtisoslashgan xalqaro ko‘lamda faoliyat yuritadigan markazdir. U O‘zbekistonning Islomdan avvalgi va islom davri madaniy merosini zamonaviy raqamli texnologiyalar hamda ilmiy tadqiqotlar bilan uyg‘unlashtiradi. Markazda jamlangan noyob eksponatlar islom sivilizatsiyasi O‘zbekiston hududida asrlar davomida ilm-fan, ta’lim, tarbiya, madaniyat va ma’rifat orqali rivojlanib kelayotganini yaqqol namoyon etadi. Tashrif buyuruvchilarni nafaqat bebaho artefaktlar, balki interaktiv o‘quv laboratoriyalari, virtual ko‘rgazmalar, “Vaqt kapsulalari”, “Sivilizatsiyalar va kashfiyotlar devorlari” hamda dunyo bo‘ylab barcha uchun ochiq bo‘lgan ko‘p tilli raqamli manbalar kutadi.
