Sahifa yuklanmoqda
Iltimos, biroz kuting.
Iltimos, biroz kuting.
Tashrifni rejalashtirish uchun barcha ma’lumotlar: ish vaqti va chipta narxlari, tashrif qoidalari, zallardagi ekspozitsiyalar hamda nogironligi bo‘lgan mehmonlar uchun qulayliklar.
Jahon darajasidagi taassurot uchun 15 dollardan kam mablag‘ — aynan shu narx ikki nafar katta va ikki nafar boladan iborat oila uchun Islom sivilizatsiyasi markaziga ekskursiyaga kirish uchun yetarli bo‘ladi.
Toshkentdagi ushbu yangi, yirik madaniy loyihaga tashrif narxlari matbuot anjumanida e’lon qilindi. Unda Ilmiy kengash a’zolari, hamkor tashkilotlar vakillari hamda fan, madaniyat va ta’lim sohasi ekspertlari ishtirok etdi.
Markaz keng jamoatchilik uchun ochildi va doimiy ravishda tashrif buyurish mumkin. Ish vaqti tashrif buyuruvchilarga qulay qilib belgilangan. Har kuni soat 09:00 dan 22:00 gacha, dam olish kunlarisiz. Bu esa, ayniqsa, ishdan keyin oila bilan kechqurun tashrif buyurish imkonini beradi. Bunday amaliyot O‘zbekiston muzeylari uchun ilk bor joriy etilmoqda.
Tashkilotchilar tashrif tizimi xalqaro muzey standartlari asosida ishlab chiqilgan, u mahalliy aholi hamda xorijiy sayyohlar uchun mo‘ljallangan. Biletlar turli toifalarga ajratilgan: O‘zbekiston fuqarolari, xorijiy mehmonlar va bolalar uchun alohida narxlar belgilangan.
Chipta narxiga quyidagilar kiradi:
— ko‘p tilli professional gidlar hamrohligi
— noyob eksponatlar va tarixiy artefaktlar bilan tanishish
— Markaziy Osiyoning jahon ilmi va islom sivilizatsiyasiga qo‘shgan hissasini aks ettiruvchi namoyishlar
Shuningdek, tashrifchilar Qur’on zaliga kirish imkoniga ega bo‘ladilar. U yerda bir milliondan ortiq Swarovski kristallari yordamida yaratilgan arxitekturaviy-badiiy mepping orqali nurli dinamik muhit hosil qilingan. Dasturga to‘rtta “vaqt kapsulasi” ham kiritilgan bo‘lib, ular turli tarixiy davrlarga sho‘ng‘ish imkonini beradi. Interaktiv va raqamli installyatsiyalar orqali mintaqaning ilmiy va madaniy merosi namoyon etiladi.
Biletlar onlayn (iTicket.uz orqali) va markaz kassalarida sotiladi. Elektron biletlar QR-kod bilan ta’minlangan bo‘lib, kirish jarayonini tez va qulay qiladi.
Tashrif formati ham turlicha:
— 30 nafargacha guruhli ekskursiyalar
— individual tashriflar
Ekskursiyalar o‘zbek, rus va ingliz tillarida o‘tkaziladi.
Biletlar belgilangan vaqt oraliqlari bo‘yicha sotiladi, bu esa navbatlarni oldini olish va tashrifchilar oqimini tartibga solishga xizmat qiladi.
Markazda qo‘shimcha xizmatlar ham joriy etilmoqda:
— robot-gidlar
— ko‘p tilli audiogidlar
— virtual sayohat formatlari
Chipta narxlari bilan qayerda tanishish mumkin?
— Markazning rasmiy saytida iccu.uz
— onlayn platformalarda – iTicket.uz orqali
— Markaz kassalarida
Islom sivilizatsiyasi markazida tashrif buyuruvchilar uchun muzey ekspozitsiyalari bilan tanishishning turli formatlari va qo‘shimcha xizmatlar joriy etilgan.
| Xizmat turi | Shartlar | Narxi |
|---|---|---|
| Mahalliy tashrif buyuruvchilar uchun | ||
| 18 yosh va undan katta fuqarolar uchun Markazga kirish chiptasi | 2 soat davomida. Audiogid xizmati bilan birgalikda | 90 000 so‘m |
| 12–17 yoshli tashrif buyuruvchilar uchun Markazga kirish chiptasi | 2 soat davomida. Audiogid xizmati bilan birgalikda | 35 000 so‘m |
| 10 nafargacha bo‘lgan guruh uchun gid xizmati | 10 nafargacha bo‘lgan guruhga 1 nafar gid xizmat ko‘rsatadi | 300 000 so‘m |
| Gid hamrohligida VIP tashrif | Hech qanday navbatlarsiz asosiy darvozadan kiriladi. Tashrif soati cheklanmagan, kun davomida | 350 000 so‘m |
| Xorijiy tashrif buyuruvchilar uchun | ||
| 18 yosh va undan katta xorijiy fuqarolar uchun Markazga kirish chiptasi | Audiogid xizmati bilan birgalikda | 425 000 so‘m |
| Individual tashrif | Kun davomida. Audiogid xizmati bilan birgalikda | 660 000 so‘m |
| Gid hamrohligida VIP tashrif | Hech qanday navbatlarsiz asosiy darvozadan kiriladi. Tashrif soati cheklanmagan, kun davomida | 850 000 so‘m |
| Xizmat turi | Shartlar | Narxi |
|---|---|---|
| Bolalar uchun tashrif | ||
| 5–11 yoshli bolalar uchun tashrif | 1 soatlik tashrif va bolalar maydonchasidan foydalanish bilan birgalikda | 30 000 so‘m |
| Mepping-shou | ||
| Mahalliy katta yoshli tashrif buyuruvchilar uchun mepping-shouga kirish | — | 50 000 so‘m |
| 7–18 yoshli mahalliy bolalar uchun mepping-shouga kirish | — | 15 000 so‘m |
| Xorijiy fuqarolar uchun mepping-shouga kirish | — | 175 000 so‘m |
| 7–18 yoshli xorijlik bolalar uchun mepping-shouga kirish | — | 60 000 so‘m |
| Golf-kar xizmati | ||
| 1 kishi uchun 30 daqiqalik golf-kar xizmati | — | 35 000 so‘m |
Tashrif formati va qo‘shimcha xizmatlarni o‘z ehtiyojingizga mos ravishda tanlang.
Islom sivilizatsiyasi markazi — tarixni zamonaviy nigoh bilan kashf eting.
Chipta sotib olish
