Yangiliklar

Oʻzbekistondagi Islom sivilizatsiyasi markazi muzeyi ekspozitsiyasining Qurʼon zali boʻlimida yuksak ilmiy va maʼnaviy ahamiyatga ega “114 Qurʼon” loyihasi amalga oshirilmoqda. Loyihaning asosiy maqsadi — dunyo muzeylari va arxivlarida saqlanayotgan, Oʻzbekiston tarixiy merosiga aloqador Qurʼon qoʻlyozmalarini saralab olib, ularni keng jamoatchilikka taqdim etishdir.

Oʻzbekistondagi Islom sivilizatsiyasi markazida oʻtkazilgan navbatdagi ilmiy kengash yigʻilishida fuqarolar tomonidan markaz ekspozitsiyasi uchun taqdim etilgan bir qator noyob eksponatlar muhokama qilindi. Yigʻilishda qadimiy qoʻlyozmalar, Qurʼon nusxalari va tarixiy hujjatlar ilmiy, tarixiy va estetik jihatdan baholandi.

Har bir xalqning xotirasi, oʻtmishi va faxri uning tarixiy merosida aks etadi. Bunday manbalar orasida toshlarga bitilgan yodgorliklar, ayniqsa, xalqning ruhiy dunyosi, siyosiy tafakkuri va maʼnaviy merosini teran ifoda etadi.

Oʻzbekistondagi Islom sivilizatsiyasi markazida joylashtirilishi rejalashtirilgan “Birinchi Renessans” davriga bagʻishlangan ekspozitsiya konsepsiyasining tuzilishi va mazmun-mohiyati yuzasidan navbatdagi ilmiy muhokamalar boʻlib oʻtdi.