Yangiliklar

Iordaniya Hoshimiylar Podshohligi Majlis al-Aʼyan Raisi Faysal Akif al-Fayоz boshchiligidagi nufuzli delegatsiya Oʻzbekiston Respublikasiga tashrifi doirasida Islom sivilizatsiyasi markazida boʻldi.

Oʻzbekistondagi Islom sivilizatsiyasi markaziga jahon aviatsiya sohasida yetakchi kompaniyalar — DC Aviation va Bombardier Aviation vakillaridan iborat delegatsiya tashrif buyurdi. Mehmonlar Markaz ekspozitsiyalari bilan yaqindan tanishib, boy tarixiy-maʼnaviy merosning zamonaviy texnologiyalar bilan uygʻun holda namoyish etilayotganiga yuksak baho berdilar.

Oʻzbekiston Respublikasi Prezidenti Shavkat Mirziyoyev tashabbusi bilan barpo etilgan Islom sivilizatsiyasi markazi ekspozitsiyalari xalqaro miqyosda turli davlatlar, ilmiy va diniy doiralar vakillarining yuksak eʼtiborini tortmoqda. Zamonaviy texnologiyalar, sunʼiy intellekt va interaktiv yechimlar orqali islom sivilizatsiyasining koʻp asrlik tarixi yangicha talqinda namoyon etilgan ushbu maskan mehmonlar tomonidan “kelajak muzeyi” sifatida baholanmoqda.

Oʻzbekiston Prezidenti Shavkat Mirziyoyev muallifligida 2017 yil 23 iyuldagi qarorga asosan bunyod etilgan Islom sivilizatsiyasi markazi ekspozitsiyalari xalqaro mehmonlarning diqqatini tortishda davom etmoqda. Markazga tashrif buyurgan Setanta Sports Uzbekistan platformasi hamda La Gazzetta dello Sport nashri vakili, gruziyalik Lasha Machavariani markaz ekspozitsiyalarida tarixning turli davrlari yagona tizimda taqdim etilganini, ilmiy-maʼrifiy konsepsiyasi va ekspozitsiya yechimlarini yuqori baholadi.