Янгиликлар

Нуфузли халқаро нашр The Wall Street Journalда Ислом цивилизацияси марказининг очилишига бағишланган мақола чоп этилди. Унда мазкур марказ Янги Ўзбекистоннинг энг йирик маданий-илмий лойиҳаларидан бири сифатида эътироф этилган. Темурийлар меъморчилиги анъаналари асосида барпо этилган ҳамда Ўзбекистон Республикаси Президенти Шавкат Мирзиёев муаллифлик лойиҳаси бўлган ушбу марказ Буюк Ипак йўли мероси илғор технологиялар ва замонавий илмий ёндашувлар билан уйғунлашган ноёб макон сифатида тақдим этилган.

Нуфузли таҳлилий Eurasia Today нашрида эълон қилинган мазкур материалда Ўзбекистондаги Ислом цивилизацияси марказининг очилиши минтақа миқёсида янги маданий ва илмий марказ шаклланаётганининг муҳим ифодаси сифатида талқин этилади. Мақолада Президент Шавкат Мирзиёев ташаббуси билан амалга оширилган ушбу лойиҳа нафақат музей мажмуаси, балки интеллектуал тараққиётни рағбатлантирувчи, илмий изланишлар ва халқаро мулоқотни бирлаштирувчи стратегик платформа экани академик услубда асослаб берилади.

Нуфузли халқаро Arab News сайтида эълон қилинган мазкур материалда Ўзбекистондаги Ислом цивилизацияси марказининг тантанали очилиши ва унинг замонавий илмий-маърифий макон сифатидаги аҳамияти ёритилди. Мақолада Президент Шавкат Мирзиёев томонидан ушбу марказнинг илмий, маънавий ва таълимий тараққиёт рамзи сифатида баҳолангани таъкидланиб, унинг бой экспозицияси, жумладан ноёб қўлёзмалар ва муқаддас реликвиялар ҳамда халқаро ташкилотлар иштирокида шаклланаётган илмий инфратузилмаси глобал ҳамжамият учун муҳим платформа экани илмий-аналитик жиҳатдан асослаб берилади.