Янгиликлар

«Маърифат акс-садоси» ҳужжатли фильмлар туркуми доирасида, «Оскар» мукофоти соҳиби, жаҳонга машҳур британиялик актёр Бен Кингсли иштирокида суратга олинган Фарғоний, Хоразмий ва Ибн Синога бағишланган видеороликлар етакчи халқаро телеканаллар — Euronews ва CNN эфирларида намойиш этилди.

Ўзбекистон Республикаси Президенти Шавкат Мирзиёев ташаббуси билан барпо этилган Ислом цивилизацияси маркази экспозициялари халқаро миқёсда турли давлатлар, илмий ва диний доиралар вакилларининг юксак эътиборини тортмоқда. Замонавий технологиялар, сунъий интеллект ва интерактив ечимлар орқали ислом цивилизациясининг кўп асрлик тарихи янгича талқинда намоён этилган ушбу маскан меҳмонлар томонидан “келажак музейи” сифатида баҳоланмоқда.

“Народное слово” газетасида Ўзбекистондаги Ислом цивилизацияси маркази директори Фирдавс Абдухолиқовнинг таҳлилий мақоласи эълон қилинди. Материалда Тошкентда барпо этилган Ислом цивилизацияси маркази замонавий дунёдаги глобал чақириқларга Ўзбекистон томонидан берилган цивилизацион жавоб, исломнинг бунёдкор ва маърифатпарвар моҳиятини очиб берувчи халқаро гуманитар платформа сифатида талқин этилган. Муаллиф Марказнинг барпо этилиши, унинг илмий-маънавий мазмуни ва жаҳон етакчилари томонидан берилган юксак баҳо орқали “Янги Ўзбекистон” сиёсати доирасида шаклланаётган янги интеллектуал маконнинг тарихий аҳамиятини ёритади.

«Оскар» мукофоти совриндори, машҳур британиялик актёр Бен Кингсли иштирокида “Маърифат акс-садоси” туркум фильми доирасида суратга олинган Фарғоний, Хоразмий ва Ибн Сино ҳақидаги видеороликлар дунёнинг етакчи Euronews ва CNN халқаро телеканалларида эфирга узатилди.