Янгиликлар

Ўзбекистондаги Ислом цивилизацияси марказига жаҳон авиация соҳасида етакчи компаниялар — DC Aviation ва Bombardier Aviation вакилларидан иборат делегация ташриф буюрди. Меҳмонлар Марказ экспозициялари билан яқиндан танишиб, бой тарихий-маънавий мероснинг замонавий технологиялар билан уйғун ҳолда намойиш этилаётганига юксак баҳо бердилар.

Хоразм — сув билан ҳаёт барпо этилган қадимий цивилизация. Милоддан аввалги даврлардаёқ бу ҳудудда сувни бошқаришнинг мукаммал тизими яратилган бўлиб, у деҳқончилик ва боғдорчилик тараққиётига хизмат қилган. Қадимий чиғирлар, ариқлар ва сув маятниклари Хоразм халқи инженерлик тафаккурининг юксак намунасидир.

Инсоният тафаккури тарихида шундай илмий мулоқотлар борки, улар асрлар оша ўз қимматини йўқотмайди. Хоразм ва Бухоро заминидан етишиб чиққан икки буюк аллома — Абу Али ибн Сино ва Абу Райҳон Беруний ўртасидаги илмий савол-жавоблар ана шундай ноёб маънавий-илмий меросдир.

Асрлар давомида дунёнинг турли бурчакларида сақланиб келган миллий ва маънавий меросимиз бугун яна Ватан билан боғланмоқда. Ўзбекистон Президенти ташаббуси билан тарихий қўлёзмалар ва нодир артефактларни юртимизга қайтаришга қаратилган саъй-ҳаракатлар айни пайтда жаҳон илмий жамоатчилигининг ҳам диққатини тортмоқда. Ана шундай бебаҳо ёдгорликлардан бири — Олтин Ўрда ҳукмдори Муҳаммад Ўзбекхон номига боғлиқ Қуръони карим қўлёзмаси бўлиб, у XIV аср давлатчилиги, китобат санъати ва маънавий ҳаётнинг юксак даражасини ўзида мужассам этган нодир тарихий манба сифатида алоҳида аҳамият касб этади.