Янгиликлар

Саккиз йил давомида барпо этилган Ўзбекистондаги Ислом цивилизацияси маркази бугун нафақат улкан меъморий мажмуа, балки бир неча юзлаб олимлар меҳнати мужассам бўлган илмий-маърифий макон сифатида эътиборни тортмоқда. Марказ музейи экспозицияларидаги тарихий меросимизнинг ноёб ашёлари, нодир артефактлар эса бу қизиқишни кучайтирмоқда.

Иордания Ҳошимийлар Подшоҳлиги Мажлис ал-Аъян Раиси Файсал Акиф ал-Фаёз бошчилигидаги нуфузли делегация Ўзбекистон Республикасига ташрифи доирасида Ислом цивилизацияси марказида бўлди.

Асрлар ортидан етиб келган ноёб санъат намунаси — XVII асрга оид зарҳал безакли идиш бугун Ўзбекистондаги Ислом цивилизацияси маркази экспозициясидан ўрин олди. Президент ташаббуси билан Буюк Британиядаги дунёга машҳур Christie’s аукцион уйидан олиб келинган ушбу артефакт ўзининг нафис шакли, олтин суви билан ишланган нақшлари ва юксак ҳунармандчилик маҳорати билан ўтган асрлар бадиий тафаккурини яққол намоён этади.

Исломдан минг йиллар аввал Марказий Осиёда шаҳарлар қурган, савдо йўлларини боғлаган ва юксак заргарлик санъатини яратган цивилизация мавжуд бўлган. Ўзбекистондаги Ислом цивилизацияси маркази экспозициясида намойиш этилаётган Қадимги Бақтрия мероси ана шу унутилмас тарих саҳифаларини қайта жонлантиради.