42 ming kvadrat metr maydondagi tarix va tashabbusning ahamiyati
Qirg‘iziston Kasaba uyushmalari federatsiyasi raisi Muradil Jumadilde o‘g‘li O‘zbekistondagi Islom sivilizatsiyasi markaziga tashrif buyurib, 42 ming kvadrat metr maydonni bir marta aylanib chiqishning o‘zi ham oson emasligini ta’kidladi.
Bu markazning masshtabi haqiqatan ham katta taassurot qoldiradi. 42 ming kvadrat metr maydonni bir marta aylanib chiqishning o‘zi ham oson emas, har bir zalni alohida o‘rganish kerak ekan. Eng muhimi, bu yerda butun tarix, sivilizatsiya va ma’naviy meros bir joyda jamlangan holda taqdim etilgan. Bu oddiy muzey emas, balki juda katta ilmiy-ma’rifiy markaz. Ayniqsa, zamonaviy texnologiyalar orqali, jumladan sun’iy intellekt yordamida o‘z ona tilimizda ma’lumot olish imkoniyati men uchun katta yangilik bo‘ldi. Bu kabi tashabbuslar mintaqadagi davlatlar o‘rtasida o‘zaro anglashuv, hamkorlik va tinchlikni mustahkamlashga xizmat qiladi.
