Yangiliklar

Buyuk Britaniyaning The Independent nashri bosh muharriri Jordi Greyg O‘zbekistondagi Islom sivilizatsiyasi markaziga tashrif buyurib, bu yerda 3 ming yillik tarixning zamonaviy va jonli tarzda taqdim etilishi hamda muzeyning ulkan ko‘lami G‘arb vakillari uchun mutlaqo yangi tajriba ekanini ta’kidladi.

Tashrif davomida The Independent nashri bosh muharriri Jordi Greyg muzeyning ulkan ko‘lami va unda 3 ming yillik tarixning zamonaviy hamda jonli tarzda taqdim etilishi G‘arb vakillari uchun mutlaqo yangi tajriba ekanini ta’kidladi.

— Rostini aytsam, bu yerdagi ekspozitsiyalar juda jonli va qiziqarli. Olimlar, san’atkorlar, faylasuflar va din tarixi bir-biri bilan uzviy bog‘liq holda namoyish etilgani bu maskanni haqiqatan ham o‘ziga xos qiladi. Ayniqsa, interaktiv texnologiyalar, ekranlar va harakatlanuvchi eksponatlar orqali tarixni nafaqat ko‘rish, balki uni his qilish imkoniyati juda qiziq bo‘ldi. Bu esa muzeyni yanada tushunarli va ta’sirchan qiladi. Shuningdek, Londonda saqlangan va aslida shu yerda yaratilgan noyob ashyo va matolarning o‘z vataniga qaytarilganini ko‘rish juda quvonarli holat. Bu kabi yondashuv madaniy merosga bo‘lgan e’tiborni yanada kuchaytirishga xizmat qiladi, — dedi Jordi Greyg.

Mehmon Markazni xalqaro miqyosda katta muvaffaqiyat qozonadigan, jahon jamoatchiligini o‘ziga jalb etadigan yirik madaniy va ilmiy loyiha sifatida baholab, uni mamlakatning o‘tmishi, buguni va kelajagini bir butun tizimda namoyon etadigan noyob maskan sifatida e’tirof etdi hamda barchani uni shaxsan ko‘rib, ushbu tajribani his qilishga chorladi.