Yangiliklar

Malayziya Parlamenti a’zosi, Bukit Gantang okrugi vakili Dato Sayyid Abu Hussin bin Hofiz Sayyid Abdul Fasal turli davlatlar ilm ahlining bir maydonda fikr almashishi kelajakda yangi tashabbus va qo‘shma loyihalar uchun yaxshi asos yaratadi.

O‘zbekistondagi Islom sivilizatsiyasi markazida “Islom sivilizatsiyasida ilmiy an’ana: manbalar, imkoniyatlar va dolzarb masalalar” mavzusida o‘tkazilgan xalqaro ilmiy-amaliy konferensiyada Malayziya Parlamenti a’zosi, Bukit Gantang okrugi vakili Dato Sayyid Abu Hussin bin Hofiz Sayyid Abdul Fasal ham ishtirok etdi.

Tadbir davomida mehmon konferensiyaning xalqaro muloqot va hamkorlikni rivojlantirishdagi ahamiyatini yuqori baholadi. Uning ta’kidlashicha, bunday uchrashuvlar davlatlar o‘rtasida yangi tashabbuslar va qo‘shma loyihalar uchun muhim asos yaratadi.

–  Bu juda muhim va ahamiyatli konferensiya. Menimcha, bunday tadbirlar nafaqat ilmiy va madaniy aloqalarni mustahkamlaydi, balki davlatlar o‘rtasida yangi imkoniyatlar va hamkorliklar uchun ham muhim qadam hisoblanadi.

O‘zbekiston boy tarix va islom sivilizatsiyasiga oid katta merosga ega mamlakat. Bu kabi xalqaro anjumanlar esa ushbu merosni dunyoga kengroq tanitishga xizmat qiladi. Ayniqsa, turli davlatlardan kelgan ishtirokchilarning bir maydonda fikr almashishi kelajakda yangi tashabbus va qo‘shma loyihalar uchun yaxshi asos yaratadi.

Bu yerdagi muhit, konferensiya formati va mehmondo‘stlik menda juda yaxshi taassurot qoldirdi. Menimcha, bunday uchrashuvlar kelgusida ham izchil davom etishi kerak”, — dedi Dato Sayyid Abu Hussin bin Hofiz Sayyid Abdul Fasal.