Yangiliklar

Qirg‘iz Respublikasi Jogorku Keneshi deputati Tabildi Muratbekov boshchiligidagi delegatsiya O‘zbekistondagi Islom sivilizatsiyasi markaziga tashrif buyurdi. Tashrif davomida Markaz ekspozitsiyalari bilan yaqindan tanishgan Qirg‘iziston deputati Tabildi Muratbekov bu o‘tmishni unutmasdan, kelajakka qadam tashlash uchun katta imkoniyat ekanligini e’tirof etdi.

Tabildi Muratbekov, Qirg‘iz Respublikasi Jogorku Keneshi deputati:

Ushbu Markaz orqali o‘z o‘tmishimiz, tariximizni ko‘rish va uni his qilish imkoniyati yaratilgan. Bu esa o‘tmishimizni unutmasdan, kelajakka qadam tashlash uchun katta imkoniyat. Shu imkoniyatni yaratib bergani uchun, avvalo, O‘zbekiston Respublikasi Prezidenti Shavkat Mirziyoyevga qirg‘iz delegatsiyasi va xalqi nomidan chuqur minnatdorchilik bildiraman. Chunki bu yerda faqat O‘zbekiston tarixi emas, balki butun turkiy dunyo va islom olamining qadriyatlari keng yoritilgan. Ayniqsa shaharlarni qayta tiklashga bag‘ishlangan eksponatlar katta taassurot qoldirdi. Chunki shahar bor joyda madaniyat, mehnat va taraqqiyot bo‘ladi. Shuningdek, barcha ekspozitsiyalar zamonaviy texnologiyalar, video, audio va sun’iy intellekt imkoniyatlari bilan uyg‘unlashtirilgani bu markazning ahamiyatini yanada oshirgan.

Menimcha, bu yerga kelgan har bir inson o‘zi uchun katta ma’naviy taassurot olib chiqadi.