“Bu inson ruhi uchun sayohat” — Armanistonning sobiq Prezidenti Islom sivilizatsiyasi markazi haqida
Armaniston Respublikasining sobiq Prezidenti Armen Sarkisyan boshchiligidagi mehmonlarda O‘zbekistondagi Islom sivilizatsiyasi markazida yaratilgan zamonaviy taqdimot imkoniyatlari, interaktiv yechimlar hamda tarixiy va ilmiy merosni keng jamoatchilikka yetkazish bo‘yicha olib borilayotgan ishlar mehmonlarda katta qiziqish uyg‘otdi.
Mehmonlar Markazning boy tarixiy va ilmiy merosni o‘rganish, saqlash hamda targ‘ib etish borasidagi faoliyatini yuqori baholab, ushbu maskan turli xalqlar va madaniyatlar o‘rtasidagi ilmiy-ma’rifiy muloqotni mustahkamlashga xizmat qilayotgani e’tirof etishdi.
Armen Sarkisyan, Armaniston Respublikasining sobiq prezidenti:
Bu markaz sivilizatsiya, insoniyat va ming yillar davomida shu zaminda yashab kelgan O‘zbekiston xalqi haqidagi ajoyib hikoyalarni o‘zida mujassam etgan. Ular tarix, ilm-fan madaniyat va e’tiqodga ulkan hissa qo‘shgan.
Bu yerga kelish shunchaki tarixiy tashrif emas. Bu inson ruhi uchun ham alohida ahamiyatga ega sayohatdir. Shu nuqtai nazardan qaraganda, O‘zbekiston nafaqat buyuk tarixga, buyuk yetakchilarga va boy madaniyatga ega mamlakatdir va bu ulkan yutuq bilan sizlarni tabriklayman. Bu nafaqat millatingiz tarixi uchun, nafaqat din va islom uchun, balki butun insoniyat uchun qo‘shilgan beqiyos hissadir.
