Iqtisodiy hamkorlik tashkiloti bosh kotibi: «O‘zbekistonning mintaqa taraqqiyotiga qo‘shayotgan hissasini yuksak qadrlaymiz»
Qisqa fursat ichida O‘zbekistonning yangi va o‘ta muhim tashrif qog‘oziga aylanib, Ginnessning rekordlar kitobiga kiritilgan Islom sivilizatsiyasi markazi xalqaro hamjamiyat tomonidan samarali tashabbus sifatida e’tirof etilyapti. Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqoti doirasida amaliy tashrif bilan O‘zbekistonga bo‘lib turgan Pokiston delegatsiyasi vakillari, xususan, Iqtisodiy hamkorlik tashkiloti Bosh kotibi Asad Majid Xon so‘nggi yillarda mamlakatimizda amalga oshirilayotgan tashabbuslarni olqishlashini ma’lum qildi.
Asad Majid Xon, Iqtisodiy hamkorlik tashkiloti Bosh kotibi:
Men Iqtisodiy hamkorlik tashkiloti Bosh kotibi sifatida mamlakatingizda bo‘lib turibman. Aytishim mumkinki, biz juda ko‘p umumiyliklarga ega bo‘lgan ikki mamlakat va ikki xalqmiz. Bizni umumiy tarix birlashtirib turadi. Masalan, Boburiylar imperiyasiga asos solgan Bobur O‘zbekiston zaminidan chiqqan. Shu nuqtai nazardan aytishim mumkinki, O‘zbekiston tashkilotimiz uchun juda muhim o‘rin tutadi. Biz O‘zbekistonning, xususan, muhtaram Prezident Shavkat Mirziyoyev tomonidan so‘nggi yillarda ilgari surilgan muhim va samarali tashabbuslarni doim olqishlaymiz. Bu tashabbuslar tashkilotni rivojlantirish va mustahkamlashda muhim ahamiyat kasb etmoqda.
