Ajdodlar merosi va ma’rifat g‘oyalari jamlangan maskan
Prezident Shavkat Mirziyoyev tashabbusi bilan bunyod etilgan ushbu ilmiy ma’rifiy maskanda tashrif buyuruvchilar buyuk mutafakkirlarimiz qoldirgan ilmiy meros bilan tanishar ekan, ilm-ma’rifat insonni yuksaltirishi, jaholat esa taraqqiyotga to‘siq bo‘lishini yana bir bor anglaydilar.
Markaz ekspozitsiyalari orqali ajdodlarimiz ilgari surgan tinchlik, bag‘rikenglik, o‘zaro hurmat va ma’rifat g‘oyalari bugungi kunda ham o‘z ahamiyatini yo‘qotmagani yaqqol namoyon bo‘ladi.
Bir so‘z bilan aytganda, O‘zbekistondagi Islom sivilizatsiyasi markazi nafaqat tarix va meros maskani, balki jaholatga qarshi ma’rifat g‘oyasining hayotdagi amaliy ifodasi, yosh avlodni ilm-fanga, milliy qadriyatlarga va umuminsoniy ezguliklarga chorlovchi yirik ma’rifiy maydon sifatida namoyon bo‘lmoqda.
Bu maskan har bir insonni o‘tmish saboqlaridan kuch olib, kelajakni bilim, tafakkur va ma’rifat asosida barpo etishga da’vat etadi.