Yangiliklar

O‘zbekiston Respublikasi Vazirlar Mahkamasining 2017-yil 22-maydagi 304-sonli «Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida»gi qarori bilan tasdiqlangan Oliy ta’limdan keyingi ta’lim to‘g‘risidagi nizom talablariga muvofiq, O‘zbekistondagi Islom sivilizatsiyasi markazi tayanch doktorantura (PhD) va doktorantura (DSc)ga hujjatlar qabul qilishni e’lon qiladi.

Hujjatlarni qabul qilish muddati 2026-yil 15-sentyabrdan 15-oktyabr kuniga qadar.

Hujjatlar PDF formatda rasmiylashtiriladi va Oliy ta’limdan keyingi ta’limni muvofiqlashtirish bo‘yicha yagona elektron tizimi (daraja.ilmiy.uz) yoki yagona interaktiv davlat xizmatlar portalida ro‘yxatdan o‘tgan holda yuboriladi.

TAYaNCh DOKTORANTURAGA (PhD) TALABGORLAR UChUN

Tayanch doktoranturaga (PhD) talabgorlar qabul komissiyasiga quyidagi hujjatlarni taqdim etadilar:

qisqacha biografik ma’lumotnoma (obyektivka);
· magistr diplomi nusxasi;
· nashr etilgan ilmiy ishlar ro‘yxati hamda ularning nusxalari (1 ta maqola va 2 ta tezis);
· xorijiy tilni bilish darajasini tasdiqlovchi milliy yoki unga tenglashtirilgan xalqaro sertifikat:

DOKTORANTURAGA (DSc) TALABGORLAR UChUN

Doktoranturaga (DSc) talabgorlar qabul komissiyasiga quyidagi hujjatlarni taqdim etadilar:

qisqacha biografik ma’lumotnoma (obyektivka);
· falsafa doktori (PhD) ilmiy darajasini beruvchi diplom nusxasi;
· nashr etilgan ilmiy ishlar ro‘yxati hamda ularning nusxalari (3 ta maqola va 2 ta tezis);
· tadqiqot mavzusi bo‘yicha ilmiy ma’ruza va fan doktori (DSc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi;
· xorijiy tilni bilish darajasini tasdiqlovchi milliy yoki unga tenglashtirilgan xalqaro sertifikat.