Ziyolilar karvoni Qashqadaryoda: Ilmiy-maʼrifiy tashabbuslar amalda
Oʻzbekiston boʻylab amalga oshirilayotgan ilmiy-maʼrifiy tadbirlar doirasida navbatdagi manzil Qashqadaryo viloyati boʻldi. Yurtimiz olim va ziyolilaridan iborat targʻibot guruhlari mazkur hududga yetib bordi.
“Maʼrifat karvoni” ilmiy-maʼrifiy targʻibot tadbirlari doirasida “Inson qadri”, “Farovon hayotga ilk qadam”, “Tirik tarix” kabi oʻnlab loyihalar amalga oshirilishi rejalashtirilgan.
Shuningdek, “Sivilizatsiyalar – Shaxslar – Kashfiyotlar” kabi olamshumul gʻoyalar asosida tayyorlanayotgan ilmiy-innovatsion loyihalar taqdimotlari ham tashkil etiladi. Ushbu uchrashuvlarda mamlakat rahbari tashabbusi bilan barpo etilayotgan Oʻzbekistondagi Islom sivilizatsiyasi markazi faoliyati haqida ham keng jamoatchilikka maʼlumot berib boriladi.