Yangiliklar
Oksford saqlagan sir: ilk bor Al-Xorazmiy asari Islom sivilizatsiyasi markazida namoyish etiladi
🔴 Al-Xorazmiyning noyob kitobini endi koʻz bilan koʻrish mumkin
🔴 “Al-jabr” haqiqiy yurtiga qaytmoqda
Oʻzbekistondagi Islom sivilizatsiyasi markazining jahon ilm-fani rivojiga ulkan hissa qoʻshgan allomalarimiz merosini keng jamoatchilikka yetkazishga navbatdagi “siri” ochildi.
Markaz ekspozitsiyalarida nafaqat diniy yozma yodgorliklar, balki ilm-fan taraqqiyotini belgilab bergan buyuk asarlar ham keng oʻrin olmoqda.
Shular jumlasidan, hozirda Oksford universiteti Bodlean kutubxonasida saqlanayotgan Muhammad al-Xorazmiyning mashhur asari – “Al-jabr val-muqobala hisobi haqida qisqacha kitob” nusxasi ilk bor Oʻzbekistonda jamoatchilikka namoyish etilishi kutilyapti.
IX asrda yozilgan ushbu risola zamonaviy algebra fanining asosiy manbai sifatida eʼtirof etiladi. Aynan ushbu asar orqali “al-jabr” atamasi ilm-fanga kirib kelgan va bugungi kungacha oʻz ahamiyatini yoʻqotmagan.
Kitobda arifmetik va geometrik hisoblar, kvadrat va ildiz tushunchalari, meros taqsimoti, savdo bitimlari va huquqiy masalalarda qoʻllangan amaliy misollar bayon etilgan.
Al-Xorazmiy asarni yozishda xalifa al-Maʼmun davrida ilm-fanga boʻlgan eʼtibor va homiylikdan katta ilhom olganini taʼkidlagan.
Markaz ekspozitsiyasida asarning ilmiy qimmati, tarixiy ahamiyati, turli tillardagi nashr va tarjimalari haqida ham maʼlumotlar joy olgan.
Islom sivilizatsiyasi markazining bu tashabbusi nafaqat milliy merosimizni targʻib qilish, balki jahon ilm-faniga oʻz hissasini qoʻshgan ajdodlarimiz ilmiy merosini qayta tiklash yoʻlida muhim qadam hisoblanadi.
Eng ko‘p o‘qilganlar
Markaz va TURKSOY o‘rtasida miniatyura maktabi ochilishi rejalashtirilmoqda
Turkiy madaniyat tashkiloti – TURKSOY bosh kotibi Sulton Rayev boshchiligidagi delegatsiya O‘zbekistondagi Islom sivilizatsiyasi markaziga tashrif buyurdi. Oliy martabali mehmonni Markaz direktori Firdavs Abduxoliqov kutib oldi.
Islom sivilizatsiyasi markazi Ilmiy kengashida Prezident qarori asosida ustuvor vazifalar belgilab olindi
O‘zbekiston Respublikasi Prezidenti Shavkat Mirziyoyev tomonidan qabul qilingan “Sohibqiron Amir Temur tavalludining 690 yilligini keng nishonlash to‘g‘risida”gi qaror ijrosini taʼminlash masalalari O‘zbekistondagi O‘zbekistondagi Islom sivilizatsiyasi markazida bo‘lib o‘tgan Kengaytirilgan Ilmiy kengashning ikkinchi yig‘ilishida asosiy eʼtibor markazida bo‘ldi. Yig‘ilishda Prezident qarorida belgilangan ustuvor vazifalardan kelib chiqib, joriy yilning 9–10 aprel kunlari Amir Temur tavalludining 690 yilligiga bag‘ishlangan xalqaro ilmiy konferensiyani yuqori saviyada tashkil etish chora-tadbirlari muhokama qilindi.
Amir Temur shaxmatining bugungi shaxmatdan nima farqi bor?
Markazga tashrif
Markazga tashrifingizni rejalashtiring va ro‘yxatdan o‘ting.