Yangiliklar

Chirchiq davlat pedagogika universitetida "Yangi Oʻzbekiston – Yangi Renessans poydevori" loyihasi doirasida oʻtkazilgan navbatdagi uchrashuv yoshlar tafakkurini uygʻotish, ularning ijtimoiy faolligini oshirishga qaratildi.

Bugun har jabhada “ogʻirimizni yengil” qilayotgan zamonaviy texnologiyalar, ilmlar, kasblarning imkoniyatlari haqida juda koʻp eshityapmiz, koʻryapmiz va oʻzimiz ham zarur hollarda uni hayotimizda qoʻllayapmiz. Ammo bu zamonaviylik, taraqqiyot, ilm ildizi koʻp hollarda Gʻarbga bogʻlanadi. Aslida-chi? Oʻzbekistondagi Islom sivilizatsiyasi markazi ekspozitsiyasini ilmiy-innovatsion loyihalar bilan boyitish uchun birlashgan olimlar tez orada bu savolga aniq javob bera oladigan muhim dalillarni taqdim etishga tayyorgarlik koʻrishmoqda.

Oʻzbekistondagi Islom sivilizatsiyasi markazi ekspozitsiyalari orqali islom madaniyati va Qurʼon ilmining turli davrlardagi rivojlanish bosqichlari haqida chuqur tasavvur olish imkoniyatiga ega boʻlish mumkin. Shuningdek, Qurʼon matnlari qanday saqlanib qolgani haqida ham maʼlumotlar taqdim etilishi kutilyapti.

Oʻzbekistondagi Islom sivilizatsiyasi markazida Turkiyaning “Outdor Factory” kompaniyasi hamda tegishli tashkilotlar ishtirokida muzey ekspozitsiyasi uchun tayyorlanayotgan media mahsulotlar konsepsiyasi, maketlar va ularning oʻlchamlari muhokama qilindi.