Yangiliklar

Ilmiy kengashning navbatdagi uchrashuvida Islom sivilizatsiyasi markazi delegatsiyasi Londondagi "Sotheby's" va "Christie's" auksion uylaridagi savdolarda ishtirok etgani haqida axborot berildi. Mazkur savdolarda Oʻzbekiston madaniy merosiga bevosita aloqador boʻlgan 60 ga yaqin lot saralandi.

Oʻzbekistondagi Islom sivilizatsiyasi markazi ilmiy guruhi aʼzolari tomonidan XVI-XVII asr xattotlik sanʼati uslubi, rivojlanish tarixi tadqiq  etilmoqda. Buxoro, Xorazm, Qoʻqon kitobat sanʼatiga oid faksimilelar yaratish boʻyicha ish olib borilmoqda.

Uchrashuvda loyiha ishtirokchilari tomonidan ekspozitsiyaning Islom ilmlari, aniq va tabiiy fanlar, Bogʻdod va Xorazm Maʼmun akademiyalari kabi sektorlar, meʼmorchilik boʻlimi uchun yasaladigan maket koʻrib chiqildi.

Oʻzbekistondagi Islom sivilizatsiyasi markazi tomonidan tashkil etilgan maxsus ilmiy guruh tomonidan oʻsha davr meʼmorchilik anʼanalari chuqur oʻrganilmoqda.  Inshootlar bezaklari semantik tadqiq etilmoqda.