Yangiliklar

Oʻzbekistondagi Islom sivilizatsiyasi markazini munosib tashkil etish masalalari muhokamasiga bagʻishlangan uchrashuv boʻlib oʻtdi. Megaloyiha boʻlishi koʻzda tutilgan binoni ichki va tashqi koʻrinishi, mazmun mohiyati qizgʻin muhokamalar boʻlgan yigʻilishda Zoom platformasi orqali qurilish masʼullari, Toshkent shahar hokimligi vakillari va markaz xodimlari ishtirok etdi.

Buyuk muhaddis Imom Termiziyga bagʻishlangan yangi multimedia loyihani yaratish rejalashtirilmoqda. “Abu Iso Termiziy ilmiy-maʼnaviy merosi” deb nomlangan loyiha orqali Termiziy hazratlarining boy ilmiy merosi zamonaviy texnologiyalar asosida keng yoritiladi.

Oʻzbekistondagi Islom sivilizatsiyasi markazi tomonidan tashkil etilgan maxsus Ilmiy guruh Toshkent viloyatining Ohangaron va  Angren tumanlari muzeylariga ekspeditsiya uyushtirdi.

Islom sivilizatsiyasi markazi ekspeditsiya guruhi aʼzolari Tamaraxonim uy muzeyida boʻlib, XX asrga oid turli millatlarning milliy raqs kiyimlari, Tamaraxonimning taqinchoqlari, qimmatbaho zargarlik buyumlari, oʻzi foydalangan va toʻplagan  cholgʻu asboblari bilan tanishdi.