Yangiliklar

Oʻzbekistondagi Islom sivilizatsiyasi markazining eng asosiy missiyalaridan biri bu yoʻqolgan merosni qaytarishdir. Bizgacha yetib kelmagan Beruniy globusini qayta tiklash ana shu vazifaning amaliy ifodasi boʻldi. Bugun Beruniyning yoʻqolgan merosi Islom sivilizatsiyasi markazida ilmiy asosda qayta tiklandi.

Oʻzbekistondagi Islom sivilizatsiyasi markazida interaktiv oʻyinlar orqali buyuk allomalar merosi va ilmiy kashfiyotlar yangi formatda namoyon etilmoqda. Markaz muzeyining “Sivilizatsiyalar va kashfiyotlar devori”dagi interaktiv oʻyinlar tarixni jonli tajribaga aylantirib, yoshlarni ilm va milliy meros bilan yaqinlashtirmoqda.

Milodiy VII asrda yuborilgan beshta tarixiy maktub bugun Oʻzbekistondagi Islom sivilizatsiyasi markazida ilk bor yagona ekspozitsiyada taqdim etilmoqda. Tashrif buyuruvchilar Rasululloh (s.a.v.)ning dunyo hukmdorlariga yoʻllagan diplomatik xatlari orqali ilk xalqaro muloqot va tinchlik siyosati bilan yaqindan tanishadi.

Dalvarzintepadan topilgan Kushon shahzodasining nodir haykali nafaqat sanʼat namunasi, balki davr hokimiyati, ideal inson qiyofasi va maʼnaviy dunyoqarashning badiiy ifodasidir. Bugun Islom sivilizatsiyasi markazida namoyish etilayotgan ushbu arxeologik topilma mintaqaning ilk davlatchilik va badiiy tafakkur tarixini yoritadi.