Yangiliklar

Berlin davlat kutubxonasi saqlanayotgan Boburiylarga oid mazkur hashamatli albomning bir tomonida g‘azallar, ikkinchi tomonida esa miniatyuralar tushirilgan.

So‘nggi yillarda O‘zbekiston Prezident Shavkat Mirziyoyev rahbarligidagi jadal islohotlar va o‘zgarishlar tufayli xalqaro hamjamiyat e’tiborini tortmoqda. Bu o‘zgarishlar mamlakatdagi ichki jarayonlarga chuqur ta’sir ko‘rsatib, chet el jamoatchiligi nigohida uning yangi qiyofasini shakllantiryapti. Euronews telekanali muntazam ravishda Yangi O‘zbekiston haqidagi materiallar va videolavhalarni e’lon qilish orqali keng auditoriyaga mamlakatning boy tarixiy va madaniy merosi, sayyohlik imkoniyatlari hamda keng qamrovli islohotlar to‘g‘risida ma’lumot yetkazishga ko‘maklashmoqda.

(Qur’oni karimning o‘zbek tilidagi yangi tarjimasi – “Anvorul-Qur’on: Fayzul-Furqon” kitobi xususida ayrim mulohazalar) Muhtaram Yurtboshimiz tomonidan ta’sis etilgan O‘zbekiston Islom sivilizatsiyasi markazi mohir mutarjim Mirzo Kenjabek tomonidan tarjima qilingan “Anvorul-Qur’on: “Fayzul-Furqon” nomli Qur’oni karimning o‘zbek tilidagi yettinchi tarjimasini yaqinda chop etdi. Tarjimaga mufassir, hofizi Qur’on, o‘n qiroat bo‘yicha ijoza sohibi, ilohiyot fanlari doktori, professor Hasan Tahsin hazratlarining tarjimasi hamda ta’vil, izoh va sharhlari asos qilib olingan.

Dunyoga mashhur Euronews internet nashrida O‘zbekistonning ipakchilik san’ati, uning noyob texnikasi va tarixi bilan tanishtiruvchi "Unraveling the art of silk production in Uzbekistan" nomli maqola chop etildi. Maqolada asrlar davomida mamlakatning tashrif qog‘ozlaridan biri bo‘lib kelgan o‘zbek ipakchiligi negizida yotgan jarayonlar haqida batafsil ma’lumot beriladi. Nashr ipak qurti yetishtirishdan tortib, tayyor matolar yaratishgacha bo‘lgan an’anaviy usullar yordamida ipak qanday ishlab chiqarilishi haqida so‘z yuritadi. Bu murakkab san’at avloddan avlodga o‘tib, muhim madaniy va iqtisodiy ahamiyatini saqlab qolgan.