Хорижий ОАВ биз ҳақимизда

Халқаро кутубхона технологиялари соҳасидаги нуфузли Bibliotheca компанияси Ўзбекистондаги Ислом цивилизацияси марказини ислом оламининг янги интеллектуал ва маданий маркази сифатида таърифлади.

Эроннинг инглиз тилида чоп этиладиган нуфузли нашрларидан бири — Tehran Times газетасида «Эрон ва Ўзбекистон: Тошкентда муштарак тарих жонланади» (Iran and Uzbekistan: Where shared history comes alive in Tashkent) сарлавҳали мақола эълон қилинди.

Европа ва халқаро аудиторияга ахборот етказиб берувчи йирик медиа тармоқлардан бири — Euronews Марказий Осиёнинг бой илмий меросини халқаро миқёсда ўрганиш ва тарғиб этиш борасида Ўзбекистон амалга ошираётган саъй-ҳаракатларни ёритди.

Ўзбекистоннинг бой маънавий ва илмий мероси Парижда халқаро жамоатчиликка кенг намойиш этилди. Ўзбекистон Миллий ахборот агентлиги (ЎзА)да эълон қилинган Ўзбекистондаги Ислом цивилизацияси маркази илмий котиби Рустам Жабборовнинг мақоласида ЮНЕСКО минбари орқали буюк алломаларимиз илмий меросини тарғиб этиш, Амир Темур ва темурийлар даврининг жаҳон тамаддунидаги ўрнини очиб бериш, Шарқ ва Ғарб ўртасидаги тарихий алоқаларни янги босқичга олиб чиқиш масалалари ёритилган.

Марказий Осиёнинг бой илмий ва маънавий меросини замонавий технологиялар ёрдамида ўрганиш, қўлёзмаларни рақамлаштириш ва жаҳон илмий ҳамжамияти учун янада очиқ қилиш — Ўзбекистоннинг халқаро миқёсдаги муҳим устувор йўналишларидан бири.