Янгиликлар

Германиялик эксперт Кэтлин Гёбель Ўзбекистонда сўнгги йилларда иқтисодий тараққиёт билан бир қаторда халқнинг маънавий фаровонлигига ҳам алоҳида эътибор қаратилаётганини таъкидлаб, мамлакат тажрибасини тинчлик ва барқарорлик излаётган давлатлар учун намуна сифатида баҳолади. Унинг таъкидлашича, Тошкентдаги Ислом цивилизацияси маркази ана шу ёндашувнинг ёрқин рамзларидан бири бўлиб, у нафақат тарихий билим ва ҳикматни, балки тинчлик ва маънавий қадриятларни ҳам тарғиб қилувчи муҳим масканга айланган.