Янгиликлар

Бугунги дунёда тараққиёт фақат иқтисодий кўрсаткичлар билан эмас, балки тарихни англаш, маънавий меросни асраш ва келажакни шу асосда қуриш билан белгиланади. Ана шу уйғунликни бир маконда кўриш мумкин бўлган маскан — Ўзбекистон Президенти Шавкат Мирзиёев ташаббуси билан бунёд этилган Ислом цивилизацияси марказидир.

Тарихни китобдан ўқиш бир гап, уни ҳис қилиш эса мутлақо бошқа тажриба. Иорданиядан ташриф буюрган меҳмонлар учун Ўзбекистон Президенти Шавкат Мирзиёев ташаббуси ва муаллифлиги асосида бунёд этилган Ислом цивилизацияси маркази айнан шундай тирик тарих масканига айланди. Делегация аъзолари Марказда яратилган экспозициялар орқали Ўзбекистоннинг минг йиллик маънавий ва илмий йўлини янгича нигоҳ билан кашф этганини таъкидладилар.

Қадимги Хоразмда юзага келган зардуштийлик таълимоти ва унинг муқаддас манбаси — “Авесто” китоби жаҳон цивилизацияси тараққиётида алоҳида ўрин тутади. Бугун ушбу бебаҳо маънавий мерос намунаси, яъни Суғд ёзувидаги Авесто дуо парчаси Ўзбекистондаги Ислом цивилизацияси маркази экспозициясининг Исломдан аввалги давр цивилизациялари бўлимида намойиш этилади.

Тарих билан юзма-юз келиш, асрлар давомида шаклланган илм ва маънавият муҳитини бир маконда ҳис этиш мумкинми? Марказий Осиё ва Жанубий Кавказ мамлакатлари прокуратураларининг 20 нафар вакилларидан иборат делегация Президентимиз ташаббуси ва ғояси асосида бунёд этилган  Ўзбекистондаги Ислом цивилизацияси марказига ташриф буюрар экан, мазкур саволга жавобни шу масканда топди. Марказда тарихий даврларнинг изчил ёритилиши, экспозицияларнинг яхлит мазмуни ва замонавий технологиялар билан уйғун тақдим этилиши меҳмонларда чуқур таассурот қолдирди.