731
Ар-Риёд 24: “Тошкент медиафоруми ислом цивилизациясига эътиборни кучайтириб, халқаро ҳамкорлик ҳужжатларини қабул қилди”
Саудия Арабистонининг «Ар-Риёд 24» нашри Тошкентда ўтказилган халқаро медиафорум ҳақида мақола эълон қилди. Унда 46 та давлатдан журналист ва медиа вакиллари иштирок этгани, форумда ислом цивилизациясининг тарихий меросини замонавий медиа воситалари орқали дунёга танитиш, сунъий интеллектдан фойдаланиш ҳамда халқаро медиа ҳамкорликни кучайтириш масалалари муҳокама қилингани қайд этилган. Мақолада, шунингдек, форум якунида ҳамкорликка қаратилган ҳужжатлар қабул қилингани ва иштирокчиларнинг Самарқандга ташрифи режалаштирилгани ёритилган.
