Yangiliklar

Oʻzbekiston Respublikasi Prezidenti Shavkat Mirziyoyev tashabbusi bilan barpo etilgan Islom sivilizatsiyasi markazi ekspozitsiyalari xalqaro miqyosda turli davlatlar, ilmiy va diniy doiralar vakillarining yuksak eʼtiborini tortmoqda. Zamonaviy texnologiyalar, sunʼiy intellekt va interaktiv yechimlar orqali islom sivilizatsiyasining koʻp asrlik tarixi yangicha talqinda namoyon etilgan ushbu maskan mehmonlar tomonidan “kelajak muzeyi” sifatida baholanmoqda.

“Narodnoye slovo” gazetasida Oʻzbekistondagi Islom sivilizatsiyasi markazi direktori Firdavs Abduxoliqovning tahliliy maqolasi eʼlon qilindi. Materialda Toshkentda barpo etilgan Islom sivilizatsiyasi markazi zamonaviy dunyodagi global chaqiriqlarga Oʻzbekiston tomonidan berilgan sivilizatsion javob, islomning bunyodkor va maʼrifatparvar mohiyatini ochib beruvchi xalqaro gumanitar platforma sifatida talqin etilgan. Muallif Markazning barpo etilishi, uning ilmiy-maʼnaviy mazmuni va jahon yetakchilari tomonidan berilgan yuksak baho orqali “Yangi Oʻzbekiston” siyosati doirasida shakllanayotgan yangi intellektual makonning tarixiy ahamiyatini yoritadi.

«Oskar» mukofoti sovrindori, mashhur britaniyalik aktyor Ben Kingsli ishtirokida “Maʼrifat aks-sadosi” turkum filmi doirasida suratga olingan Fargʻoniy, Xorazmiy va Ibn Sino haqidagi videoroliklar dunyoning yetakchi Euronews va CNN xalqaro telekanallarida efirga uzatildi.

Oʻzbekiston Prezidenti Shavkat Mirziyoyev muallifligida 2017 yil 23 iyuldagi qarorga asosan bunyod etilgan Islom sivilizatsiyasi markazi ekspozitsiyalari xalqaro mehmonlarning diqqatini tortishda davom etmoqda. Markazga tashrif buyurgan Setanta Sports Uzbekistan platformasi hamda La Gazzetta dello Sport nashri vakili, gruziyalik Lasha Machavariani markaz ekspozitsiyalarida tarixning turli davrlari yagona tizimda taqdim etilganini, ilmiy-maʼrifiy konsepsiyasi va ekspozitsiya yechimlarini yuqori baholadi.