Yangiliklar

Oʻzbekistondagi Islom sivilizatsiyasi markazi ochilishiga oz fursat qolmoqda. Shu munosabat bilan olimlar, mutaxassislar va markaz xodimlari qizgʻin faoliyat olib bormoqda. Jumladan, Ilmiy kengashning navbatdagi yigʻilishida xorijdan olib kelinishi kutilayotgan madaniy boyliklar, eksponatlar haqida fikr almashildi.

Oʻzbekistondagi islom sivilizatsiyasi markazi Kengaytirilgan ilmiy kengashining navbatdagi yigʻilishi boʻlib oʻtmoqda. Unda Kengash aʼzolari toʻgʻridan-toʻgʻri va onlayn tarzda ishtirok etmoqda.

Mutafakkir olim Abu Muin Nasafiyning boy ilmiy-maʼnaviy merosini chuqur oʻrganish, uni keng jamoatchilikka yetkazish maqsadida Oʻzbekistondagi megaloyihada keng koʻlamli ishlar olib borilmoqda. Xususan, allomaning hayoti, asarlari va gʻoyalari haqida videoroliklar, interaktiv materiallar va hujjatli film tayyorlanadi.

Abulgʻoziy Bahodirxon shayboniylar sulolasidan boʻlib, 1643–1664 yillar davomida Xiva xonligini boshqargan. U tarixda faqatgina hukmdor sifatida emas, balki tarixchi va tabib sifatida ham katta nom qoldirgan.