Yangiliklar

Oʻzbekistondagi Islom sivilizatsiyasi markazi kutubxonasi yana bir qimmatli asar bilan boyidi. Ozarbayjon Milliy fanlar akademiyasi Qoʻlyozmalar instituti yetakchi ilmiy xodimi, falsafa fanlari doktori, dotsent Ruboba Shirinova Markazga oʻzining “Yusuf Davlatoʻgʻlining “Manzum fiqh” tarjima yodgorligi” nomli kitobini sovgʻa qildi.

Turkiya Respublikasi Prezidenti huzuridagi Millat kutubxonasi direktori Ayxan Tugʻluning taʼkidlashicha, Oʻzbekiston Prezidenti Shavkat Mirziyoyev Birlashgan Millatlar Tashkilotidagi yigʻilishda ushbu markazning ochilishi haqida maʼlum qilgani aslida butun dunyoga islom sivilizatsiyasining qayta yoyilishi nuqtai nazaridan juda muhim bayonotdir.

Oʻzbekistondagi Islom sivilizatsiyasi markazi ekspozitsiyasi yana bir qimmatbaho artefakt bilan boyidi. Buyuk Britaniyadagi dunyoda oʻz nufuziga ega DAVID AARON galereyasi markazga begʻaraz ravishda noyob taqinchoqlarni taqdim etdi. Ular qatorida miloddan avvalgi birinchi mingyillikka tegishli qimmatbaho toshlar bilan bezatilgan oltin marjon, ellinistik davrga oid turkuaz va qora hoshiyali aqiqdan yasalgan marjon hamda aqiq toshlari qoʻllanilgan oltin marjonlar mavjud.

Moin Ahmad Nizami, Oksford islom tadqiqotlari markazi ilmiy xodimi (Buyuk Britaniya) — Toshkentga ham, Oʻzbekistondagi Islom sivilizatsiyasi markaziga ham ilk bor kelishim.