Yangiliklar

Oʻzbekistondagi Islom sivilizatsiyasi markazi muzeyida yaratilayotgan asosiy ekspozitsiyaning muhim qismlaridan biri — “Sivilizatsiyalar va kashfiyotlar devori” keng jamoatchilik uchun taqdimotga tayyorlanmoqda.

Oʻzbekiston Islom sivilizatsiyasi markazi ekspozitsiyasida namoyish etilayotgan Varaxsha saroyi maketi — bu VIII asrda Buxoroxudotlar qarorgohi boʻlgan inshootning ilmiy asosda yaratilgan rekonstruksiyasidir. U Markaziy Osiyo shaharsozligi, mudofaa tizimi va saroy meʼmorchiligining oʻziga xos namunalarini aniq va vizual shaklda aks ettiradi. Maket V. A. Shishkin boshchiligida 1937–1939 hamda 1947–1955-yillarda olib borilgan qazishmalar, 1986 va 1991-yillardagi qayta tadqiqotlar, shuningdek soʻnggi arxeologik topilmalar asosida ishlab chiqilgan.

Oʻzbekistonda ilm-fan, tarix va maʼnaviyatga boʻlgan eʼtibor yuksalib borayotgan hozirgi davrda yana bir muhim tarixiy jarayon amalga oshayotganiga guvoh boʻlmoqdamiz. Oʻzbekiston Respublikasi Prezidenti tashabbusi bilan Toshkentda tashkil etilayotgan Islom sivilizatsiyasi markazi nafaqat madaniy-maʼrifiy, balki boy ilmiy maskan boʻlishi borasidagi saʼy-harakatlarning natijasi koʻrina boshladi.

Oʻzbekistondagi Islom sivilizatsiyasi markazida xorijdan olib kelingan qator noyob artefaktlar hamda Oʻzbekiston Fanlar akademiyasi Sharqshunoslik institutidan taqdim etilgan 40 ga yaqin qoʻlyozma asar ustida puxta ish olib borilmoqda. Bu noyob madaniy meros durdonalari XVI–XIX asrlar Turkiston tarixini yorituvchi Xonliklar davri ekspozitsiyasida joy olishi kutilmoqda.