Янгиликлар

Агар тарих гапира олганида, эҳтимол, унинг овози айнан шу ердан эшитиларди. Бу ерда экспонатлар сукут сақламайди, деворлар фақат тарихни намойиш этмайди, балки уни қайта жонлантиради. Ўзбекистон киноарбоблари ижодий уюшмаси аъзоларининг Ўзбекистондаги Ислом цивилизацияси марказига ташрифи оддий маданий саёҳат эмас, балки миллат хотираси билан юзма-юз учрашувга айланди. Машҳур режиссёрлар, актёрлар ва сценаристлар бир овоздан эътироф этганидек, бу ер музей эмас — бу ерда бутун бир цивилизация нафас олади.