Yangiliklar

Samarqand va Buxoro bugun dunyo turizmining eng mashhur yo‘nalishlaridan biri hisoblanadi. Biroq bu shaharlar ming yil avval qanday ko‘rinishda bo‘lgan? Ular qanday iqtisodiy qudratga ega edi, qaysi xalqaro savdo yo‘llarini bog‘lagan va musulmon sivilizatsiyasi taraqqiyotida qanday o‘rin tutgan? Bu savollarga javob arxeologik topilmalar emas, balki X asrda yashagan arab geografi va sayyohining bevosita kuzatuvlariga asoslangan asarida mujassam. Endi mazkur nodir manba tanqidiy matn, qiyosiy qo‘lyozmalar tahlili va ilmiy sharhlar bilan birinchi marta o‘zbek kitobxoniga taqdim etilmoqda.

Tarix ba’zan bir-biridan minglab kilometr uzoqlikda joylashgan shaharlarni yagona ma’naviy va madaniy makonga aylantiradi. Buxoro, Samarqand, Boku va Sankt-Peterburg shular jumlasidandir. XIX asr oxiri — XX asr boshlarida mazkur shaharlar o‘rtasida shakllangan ilmiy, madaniy, xayriya va diplomatik aloqalar bugungi kunda O‘zbekistondagi Islom sivilizatsiyasi markazining Xonliklar davri ekspozitsiyasi orqali yangi mazmunda talqin etilmoqda.

O‘zbekistondagi Islom sivilizatsiyasi markazi tomonidan nodir qo‘lyozmalarni ilmiy tadqiq etish, tarjima qilish va keng kitobxonlar ommasiga yetkazish borasida amalga oshirilayotgan keng ko‘lamli ishlar yana bir muhim natija berdi.