Yangiliklar

Toshkentda III O‘zbekiston–Rossiya mediaforumi o‘z ishini boshladi. Ikki mamlakatning yetakchi ommaviy axborot vositalari rahbarlari, jurnalistlar, davlat idoralari va media sohasi vakillarini birlashtirgan xalqaro anjumanda axborot sohasidagi hamkorlikni mustahkamlash, raqamli jurnalistika, sun’iy intellekt, milliy qadriyatlarni asrash va qo‘shma medialoyihalarni rivojlantirish masalalari muhokama qilinmoqda.

Sulton Qobus madaniyat va ilm-fan oliy markazi raisi Habib ar-Riyomiy Maskat shahrida bo‘lib o‘tgan xalqaro simpoziumda so‘zga chiqib, O‘zbekiston va Ummon o‘rtasidagi madaniy aloqalarning chuqur tarixiy ildizlarini ta’kidladi. Shuningdek, u Islom sivilizatsiyasi markazi va Sulton Qobus markazining islom sivilizatsiyasining buyuk merosini asrab-avaylash va keng targ‘ib etishdagi alohida o‘rniga e’tibor qaratdi.

Maskat shahrida Islom sivilizatsiyasi markazining xalqaro taqdimoti O‘zbekiston va Ummon o‘rtasida ilmiy hamkorlikni rivojlantirish uchun yangi imkoniyatlar eshigini ochmoqda. Bu haqda O‘zbekiston Respublikasining Ummon Sultonligidagi Favqulodda va Muxtor Elchisi Abdusalom Xatamov ma’lum qildi. U islom sivilizatsiyasining mushtarak intellektual merosini o‘rganishga ummonlik olimlar, universitetlar va ilmiy muassasalarni jalb etish muhimligini ta’kidladi.