Fikr-mulohazalar

Ayni damda biz Islom sivilizatsiyasi markazi yonida turibmiz. Uning nomiga e’tibor bering – gap din haqida emas, aynan sivilizatsiya haqida bormoqda. Bu Markaziy Osiyoning islomgacha va islom davri tarixi haqida ta’sirchan tarzda hikoya qiluvchi yirik ilmiy-ma’rifiy markazdir.

Oʻzbekiston tarixi haqiqatan ham beqiyos. U besh ming yillik taraqqiyotni oʻz ichiga olgan ulkan sivilizatsiyadir. Bir millatni anglash uchun uning tarixini bilish kerak, bu yerda esa tarix juda boy. Insoniyat sivilizatsiyasiga ulkan hissa qoʻshgan koʻplab ilmiy va madaniy yutuqlar aynan shu zamindan kelib chiqqan.

O‘zbekistondagi Islom sivilizatsiyasi markaziga tashrif buyurish men uchun katta mamnuniyat bo‘ldi. Prezidentingizning uzoqni ko‘zlagan tashabbusi va qarashlari natijasida barpo etilgan ushbu muhtasham markaz nafaqat O‘zbekiston, balki butun dunyo uchun bebaho xazinadir.

Ayni paytda xalqlarimizning o‘ziga xos tarixiy-madaniy merosiga asoslangan mintaqaviy o‘ziga xoslikni mustahkamlash alohida ahamiyat kasb etadi. Biz Islom sivilizatsiyasi markazini ziyorat qildik. Bu ulkan va noyob inshootdir. Darhaqiqat, bu ilmiy, turistik va etnomadaniy loyihadir.

Rostini aytsam, bu yerda men beqiyos taassurotlar girdobiga tushib qoldim. Har bir ekspozitsiya, har bir zal, har bir detal chuqur oʻylangan. Uch ming yillik tarixni bugungi avlodga shu darajada zamonaviy shaklda yetkazib berish — bu yuksak sanʼat va buyuk mahorat talab etadi.